The Miss Universe owner emphasizes the difference between bankruptcy and business rehabilitation
Pinabulaanan ng may-ari ng Miss Universe Organization na si Anne Jakrajutatip ang balitang bankrupt na ang kanyang kumpanyang JKN Global Group.
IMAGE: annejkn.official on Instagram
Naglabas ng pahayag ang Thai business mogul sa kanyang Facebook account noong Biyernes, November 10, matapos ang balitang nag-file umano ng bankruptcy report ang JKN Global Group sa Central Bankruptcy Court ng kumpanya.
Ayon sa kanya, malaki ang pagkakaiba ng word na “bankruptcy” sa “business rehab,” at ito mismo ang ginawa nila sa organization upang mas mapagtibay pa ang “returns” para sa mga stakeholders.
Paglilinaw ni Anne, “It’s false news by using the word ‘bankruptcy’ as it is in fact called business rehab.
“Bankruptcy simply means your business is gone, but BUSINESS REHABILITATION program means JKN aims to preserve the continuity and integrity of the businesses, allowing JKN to generate improved returns for creditors and investors through restructuring efforts,” dagdag pa niya.
Anne Jakrajutatip ensures continuity of Miss Universe pageant
Nauna nang ipaliwanag ni Anne ang desisyon ng kumpanyang sumailalim sa business rehabilitation sa kanyang Instagram post noong Biyernes, November 10.
Saad sa post, “JKN Global Group has announced a plan to refinance our debt and rehabilitate our business. While our operating cash is intact and the company will continue to run operations as planned, this is a necessary step in our growth to ensure that our debt is repaid and the company remains financially healthy.
“Miss Universe Organization, which is only one of our many business lines, is completely clean and will continue to operate as planned. We look forward to three fantastic broadcasts next week.”
Nangako rin si Anne sa caption niya na ang Miss Universe ang kaniyang “first priority in life.” Kahit daw gaano kasaya o kasakit ang maging proseso ay sisiguraduhin niyang hindi mawawala sa eksena “legendary beauty olympics” na ito.
Dagdag pa niya, handa siyang magsakripisyo at gawin lahat para sa tagumpay ng Miss Universe.
Kasalukuyang nasa El Salvador ang Miss Universe Organization bilang paghahanda sa paparating na Miss Universe 2023 sa November 18, 2023.
Si Michelle Dee ang pambato ng Pilipinas upang makamit ng bansa ang panglimang korona sa Miss Universe.
READ ALSO: Miss Universe PH Michelle Dee Comes Out As Bisexual
Banner Art Paulo Correa
