Rhian Ramos is set to do more movie and TV projects in 2024
Muling nagbabalik si Rhian Ramos sa paggawa ng pelikula.
Bida siya sa VIVA Films movie na “Ikaw At Ako” kasama ang kapwa-Kapuso actor na si Paolo Contis.
Nang makausap ng FreebieMNL si Rhian sa press conference ng pelikula noong November 29 sa VIVA Café, ikinuwento ng Kapuso actress na talagang binasa niya ang script bago tanggapin ang proyekto.
“Well, firstly, I didn’t want to accept anything without reading the script so I started with the script, I enjoyed it, and sinubukan ko.
“What I do kasi is when I read the script, sinusubukan ko na agad sakyan yung emotions and then if I feel affected during, then I’ll know if this is a role I can do or if I’m not pala the one that’s meant for this.
“And ayun, I felt it, naiyak ako at some points, sinakyan ko siya and doon ako um-oo na.”
Ang huling pelikulang pinagbidahan pa ni Rhian ay ang “Kung Paano Siya Nawala” kasama si JM de Guzman noong 2018.
Noong panahon daw na tinanggap niya ang offer ng VIVA ay hindi pa niya alam na si Paolo ang magiging leading man niya.
Pero ikinatuwa raw niya na ang pelikula ang naging daan para matupad ang gusto niyang makatrabaho si Paolo sa isang full-length project.
“I don’t think at the time that I said yes, I don’t think that I knew Paolo was going to be my partner yet.
“But when I found out, I was like super plus points. This is a major bonus! I’ve always wanted to work with him.”
Ito kasi ang unang pagkakataong magkakatrabaho sina Rhian at Paolo ng mahabaang pagkakataon dahil madalas lang silang nagkakasama noon sa “Magpakailanman” at “Dear Uge.”
Tatlong kwento ng magkakaibang henerasyon ang ipapakita sa “Ikaw At Ako,” na pinalabas sa sinehan noong Miyerkules, December 6, 2023.
Kasama rin sa pelikula sina Ronaldo Valdez, Boots Anson Roa, Andrew Gan, at dalawang bagong child stars ng VIVA: Fatima Mislang at James Ezekiel Ignacio. Ang “Ikaw At Ako” ay sa ilalim ng direksyon ni Rechie del Carmen.
READ ALSO: Rhian Ramos Shares What She Feels About Michelle Dee and Miss Thailand Anntonia Porsild’s Closeness
Rhian’s success in 2023
Nang mapag-usapan naman kung kumusta ang 2023 ni Rhian, hindi raw niya inaasahan na magiging mainit ang pagtanggap ng mga manonood sa kanya sa huli niyang teleserye, “Royal Blood.”
Kwento ni Rhian, “Talagang I was caught by surprise, hindi ko naman ine-expect yung reaction pagkatapos ng ‘Royal Blood,’ a lot of people told me such great things about my performance.
“I’m so grateful but honestly, hindi ko siya naplano, hindi ko alam na mangyayari yun, when I was on set it just flowed. Na-enjoy ko lang yung character.
“Basically, it was a super well-written character, ang daming stimulus, ang daming nangyayari, there was a lot for me to work with, and in-enjoy ko lang.
“I think ganun naman talaga as an artist, when I’m given stimulus, I can feed off and even when I’m on set, marami ako lalo mahuhugutan ng emotions kasi magagaling lahat ng kasama ko.”
Sa tingin nga raw ni Rhian, dahil sa performance at pagtanggap sa kanya sa “Royal Blood” kaya dumami ang mga gagawin niyang proyekto sa 2024.
“It just kind of happened, in-enjoy ko lang sa totoo lang and after, I was able to I think it’s because of ‘Royal Blood’ na may na-book akong mga movies and the two shows that I’m doing next.
“So, I’m very grateful, I’m so touched because my goal naman talaga as an actor is to be felt and to feel understood the emotions that I put on display when I get reactions online, that means everything to me.
“So, just to have more opportunities to do that, that’s the dream.”
Dahil nga sa mga nakalatag na susunod niyang gagawin, pinagpaplanuhan na ni Rhian kung paano ang magiging schedule niya sa 2024.
Bukod sa ilang pelikula, bahagi siya ng dalawang malaking proyekto ng GMA-7: “Pulang Araw” at “Sang’gre.”
READ: Glaiza de Castro, Rhian Ramos Reunite In “Encantadia” Spin-Off, “Sang’gre”
Ani Rhian, “I actually had a long meeting with my management and we are preparing for 2024, we went to Thailand for a few days and just continued to talk and talk and talk and plan and plan and plan. Yes, kailangan ganun!
“Ayun, so nagpano lang talaga kami together about how to make this year sustainable for yung energy level naming lahat and also in terms of paghuhugtan ng emotion. Mafu-fulfill ba yung promise of doing every role?
“So pinlano namin in terms of timing para di magsasabay-sabay. It seems like magsasabay-sabay pero if you check my actual schedule, paano sya nakaplano, yung moment ng movie na ito, yun lang yung iisipin ko. Yung moment ng show na ito, yun lang yung focus.”
Banner Art Dani Sison
